वार्ताहर /अगसगे
सरस्वती हायस्कूल हंदिगनूरच्या मुलींच्या कबड्डी संघाची तालुका पातळीवर निवड झाली आहे. कडोली विभागीय स्पर्धा सरकारी हायस्कूल न्यू इदलहोंड (शिवापूर) येथे घेण्यात आली. या स्पर्धेमध्ये सरस्वती हायस्कूलच्या मुलींच्या कबड्डी संघाने सलग पाचव्या वर्षी अजिंक्यपद पटकावून तालुका स्तरावर खेळण्याचा मान मिळविला. या कबड्डी संघामध्ये आरती पाटील, ममता सनदी, रुतिका पाटील, तनुजा पाटील, स्नेहा बसर्गे, पुष्पा सनदी, नकुशा पाटील, हालव्वा अलगोंडी, गायत्री पाटील, स्वप्नाली पाटील, रसिका पाटील, अंकीता भांदुर्गे यांचा समावेश आहे.
शाळेचे मुख्याध्यापक जी. एस. पाटील व क्रीडा शिक्षक एस. एल. मासेकर व जे. जी. कडेमणी, शिक्षिका ए. बी. खनगावकर व इतर सहशिक्षक व शिक्षकेत्तर कर्मचारी यांचे मार्गदर्शन व प्रोत्साहन लाभले.