वारणानगर / प्रतिनिधी
येथील साठे कॉलनीतील बारावीची विद्यार्थीनीने राहत्या घरात गळफास घेऊन आत्महत्या केली. आराधना सॅमसन दाभाडे (वय १७) असे तिचे नाव आहे. या घटनेची नोंद कोडोली पोलीसात झाली असून आत्महत्येचे कारण समजू शकले नाही.
या बाबत पोलिसांकडून मिळालेली माहिती अशी, सोमवात दि.८ रोजी दुपारी तीनच्या सुमारास घरात कोणी नसल्याचे पाहून गळफास घेऊन आत्महत्या केल्याचे घरच्यांच्या लक्षात आल्या नंतर तीला तातडीने कोडोली उप जिल्हा रुग्णालयात दाखल केले असता ती डॉक्टरांनी उपचारापूर्वी मृत असल्याचे सांगितले. शवविच्छेदन करून मृतदेह नातेवाईकांच्या ताब्यात देण्य़ात आला. पुढील तपास पोलीस नाईक शेडगे करत आहेत