शाहुवाडी प्रतिनिधी
मलकापूर कोकरूड मार्गावर पेरीड गावच्या हद्दीत दुचाकी घसरून झालेल्या अपघातात आर्यन महेश उरुणकर वय पाच वर्षे हे बालक मृत झाले तर माधवी महेश उरूणकर वय सत्तावीस रा जावडेकर चौक इस्लामपूर ता वाळवा व राज गणेश पवार वय 15 हे जखमी झाल्याची नोंद शाहूवाडी पोलिसात झाली आहे.
पोलिसांकडून मिळालेल्या माहितीनुसार माधवी उरुणकर या आपले नातेवाईक व मुलगा आर्यन समवेत येळवण जुगाईला दुचाकीवरून देव दर्शनासाठी निघाल्या होत्या पेरीड गावच्या हद्दीत त्यांची मोटरसायकल घसरली यात गाडीवर बसलेला आर्यन यांच्या डोक्याला गंभीर दुखापत झाली तातडीने त्याला मलकापूर ग्रामीण रुग्णालयात दाखल केले असता तो मृत झाल्याचे सांगण्यात आले दरम्यान गंभीर जखमी असलेल्या माधवी उरूणकर व राज पवार यांना तातडीने पुढील उपचारासाठी कोल्हापूर येथे दाखल करण्यात आले. मृत आर्यनचे मलकापूर ग्रामीण रुग्णालयात शवविच्छेदन करून मृतदेह नातेवाईकांच्या ताब्यात देण्यात आला या घटनेचा प्राथमिक तपास महिला पोलीस बी बी यादव या करत आहेत
चिमुकल्याच्या मृत्यूने सर्वत्र हळहळ
या अपघातात पाच वर्षाचा आर्यन हा मृत झाल्याने त्याच्या नातेवाईकांसह परिसरातून हळहळ व्यक्त होत होती सकाळी हसत चेहऱ्याने आलेल्या आर्यांनला मृत्यूने कवटाळले याने या घटनेबद्दल सर्वत्रच दुःख व्यक्त केलं जात होतं