भेंडीची भाजी नेहमी चिकट होत असल्याने ती अनेकजणांना आवडत नाही. लहान मुलेही भाजी खाण्यास टाळाटाळ करतात. पण जर काही छोट्या ट्रिक्स फॉलो केल्यास भेंडी एकदम कुरकुरीत आणि मोकळी होईल. अशी ही क्रिस्पी भाजी सगळेच जण आवडीने खातील. एवढेच नाही तर अशा प्रकारे तयार केलेली भाजी मुलांनाही आवडेल. चला तर मग जाणून घेऊया भेंडी भाजीचा चिकटपणा कसा कमी करावा.
भेंडी धुतल्यानंतर लगेच कापू नये. नेहमी भेंडीवरील ओलावा कोरडा करावा. भेंडी धुतल्यानंतर कपड्याने पाणी चांगले कोरडे करा. शक्य असल्यास भेंडी साधारण एक ते दोन तास आधी धुवून ठेवावी. जेणेकरून त्याचे सर्व पाणी सुकून जाईल. अन्यथा हे पाणी भेंडीमध्ये मिसळल्याने ते जास्त चिकट होईल.
भेंडी कापताना छोटे तुकडे करु नका. नेहमी मोठे तुकडे करा. जेणेकरून भेंडीतून चिकटपणा कमी येतो.
भेडीचे मोठे तुकडे तेलात तळल्याने भेंडीचा श्लेष्मा सुकतो आणि ते कुरकुरीत होते.
भेंडीची भाजी बनवताना त्यात लिंबाचा रस किंवा दही घाला. जर तुम्ही भेंडीची कोरडी भाजी बनवत असाल तर लिंबाचा रस किंवा आमचूर पावडर टाकल्यास भेंडी कुरकुरीत होईल. दुसरीकडे, रस्सा भाजीसाठी दही किंवा चिंचेचे पाणी भेंडीचा चिकटपणा काढून टाकण्यास मदत करेल.
Next Article टंकलेखन चाचणी नव्याने घेण्याची एमपीएससीवर नामुष्की
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.