पंतप्रधान नरेंद्र मोदींच्या सभेत भाषण करणार : मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी दिले विशेष निमंत्रण
धुळे, जळगाव प्रतिनिधी
राजर्षी शाहू महाराजांचे पणतु आणि छत्रपती राजाराम महाराज यांचे नातू धुळ्याचे माजी आमदार राजवर्धनसिंह कदमबांडे हे पंतप्रधान नरेंद्र मोदी यांच्या सभेसाठी शनिवारी दुपारी विशेष विमानाने कोल्हापूरला रवाना झाले. महायुतीचे उमेदवार प्रा. संजय मंडलिक आणि धैर्यशील माने यांच्या प्रचारार्थ पंतप्रधान नरेंद्र मोदी यांची शनिवारी सायंकाळी जाहीर सभा आहे. या सभेत कदमबांडे यांचे देखील भाषण होणार आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी कदमबांडे यांना कोल्हापूरच्या सभेत मार्गदर्शन करण्यासाठी विशेष निमंत्रण दिले. तसेच त्यांच्यासाठी विशेष विमानही तातडीने उपलब्ध करून दिले. धुळे शहर विधानसभा मतदार संघाचे माजी आमदार असणारे कदमबांडे हे तेथील जिल्हा मध्यवर्ती सहकारी बँकेचेही अध्यक्ष आहेत. कदमबांडे यांनी 1984 साली इचलकरंजी लोकसभा मतदार संघातून लोकसभेची निवडणूक लढविली होती. राजर्षी शाहू महाराजांचे सुपुत्र छत्रपती राजाराम महाराज यांच्या सुकन्या पद्माराजे तथा बेबीराजे यांचे राजवर्धनसिंह कदमबांडे सुपुत्र आहेत. कोल्हापूरच्या राजकन्येचा सुपुत्र म्हणून त्यांची ओळख आहे.
Previous Articleपंतप्रधानांचे आज संबोधन
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.