बेळगाव : इटलीतील सभी डोरा शहरात होणाऱ्या सिटी पॅरा विश्व जलतरण स्पर्धेसाठी बेळगावच्या साहिल जाधव व सुमित मुदगेकर यांची भारतीय संघात निवड झाली असून सिटी विश्व जलतरण स्पर्धेसाठी इटलीला रवाना झाले आहेत. इटली येथे 11 ते 17 मार्च दरम्यान होणाऱ्या सिटी पॅरा विश्व जलतरण स्पर्धेसाठी भारतीय पॅरा जलतरण संघात बेळगावचे साहिल जाधव व सुमित मुदगेकर निवड झाली आहे. या स्पर्धेत साहिल राजेंद्र जाधव एस 9, एसबी 8 व एसएम 9 या विभागात 50 मी. बटरफ्लाय, 100 मी. बटरफ्लाय, 100 मी. फ्रीस्टाईल, 200 मी. वैयक्तिक मिडले या प्रकारात भाग घेणार आहे. तर सुमित मुदगेकर एस 9, एसबी 8, एसएम 9 या विभागात 50 मी. ब्रेस्टस्ट्रोक, 100 मी. ब्रेस्टस्ट्रोक, 100 मी. फ्रीस्टाइल, 200 मी. वैयक्तिक मिडले या प्रकारात भाग घेणार आहे. यापूर्वी साहिल व सुमित यांनी देशात घेण्यात आलेल्या विविध पॅरा जलतरण स्पर्धेत भाग घेऊन उल्लेखनीय कामगिरी केली आहे. त्यांनी जलतरण प्रशिक्षक उमेश कलघटगी यांच्याकडून जलतरणचे धडे गिरवले आहेत. जलतरण प्रशिक्षक अक्षय शेरेगार, अजिंक्य मेंडके, नितीश कडूचकर, गोवर्धन काकतीकर यांचे बहुमूल्य मार्गदर्शन लाभत आहे. तर डॉ. प्रभाकर कोरे, जयंत हंबरवाडी, अविनाश पोतदार, राम मलिया, माखी कपाडिया, लता कित्तूर, सुधीर कुसाणे, प्रसाद तेंडुलकर रोशन यांचे प्रोत्साहन लाभत आहे.
Previous Articleमध्यवर्ती कुस्तीगीर संघटनेतर्फे अर्जुनचा सत्कार
Next Article पॅरा जलतरण स्पर्धेत आबा-हिंद क्लबच्या खेळाडूंचे यश
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.