नंदगड प्रतिनिधी – नंदगड ग्रामपंचायतच्या भ्रष्टाचाराची सखोल चौकशी करावी या मागणीसाठी ग्रामपंचायत सदस्यांनी उपाध्यक्ष मंन्सूर तासीलदार यांच्या नेतृत्वाखाली आज ग्रामपंचायत कार्यालयालाच टाळे ठोकले.नंदगड ग्रामपंचायतीत ६५ लाखाचा गैरव्यवहार झाल्याचा आरोप यापूर्वीच तालुका व जिल्हास्तरीय अधिकाऱ्यांच्या कडे करण्यात आला आहे. महिना उलटला तरी या गैरव्यवहाराची चौकशी झालेली नाही. किंवा गैरव्यवहार केलेल्यांच्यावर कोणतीच कारवाई करण्यात आली नाही. गैरव्यवहाराची चौकशी व्हावी म्हणून गुरुवारपासून ग्रामपंचायतीच्या २३ सदस्या पैकी १९ संतप्त सदस्यांनी आज सकाळी ११ वाजता ग्रामपंचायतच्या कार्यालयाला टाळे ठोकले व सत्याग्रह कायम सुरू ठेवला आहे.
Trending