अध्यक्ष आमदार पी. एन. पाटील सडोलीकर
भोगावती/प्रतिनिधी
शाहूनगर परिते ता करवीर येथील भोगावती सहकारी साखर कारखान्याचा चालू वर्षांची एफआरपी प्रतिटन ३००३ रुपये एकरक्कमी देणार असल्याची घोषणा कारखान्याचे अध्यक्ष आमदार पी एन पाटील सडोलीकर यांनी शुक्रवारी केली.
कारखान्याचे संचालक धिरज डोंगळे व भाग्यश्री डोंगळे यांच्या हस्ते चालू ऊस गळीत हंगामाचा बाँयलर अग्नी प्रदिपन शुभारंभ करण्यात आला. त्याप्रसंगी आमदार पाटील अध्यक्ष पदावरून बोलत होते. कामगरांच्या दिवाळी बोनसबाबत चर्चा करून लवकरच निर्णय घेण्यात येणार आहे. साखर दर असेच राहिले तर पुढील वर्षी ऊसबिलासाठी कर्ज काढावे लागणार नाही. भविष्यात जास्तीत जास्त ऊस दरासाठी को जनरेशन, ईथेनाँल आदी प्रकल्प हाती घ्यावे लागणार आहेत, असे ते म्हणाले.
स्वागत व प्रास्ताविक संचालक प्रा एस ए पाटील यांनी केले. यावेळी जिल्हा बँकेच्या संचालिका उदयानिदेवी साळुंखे, गोकुळ चे माजी संचालक पी डी धुंदरे, उपाध्यक्ष उदयसिंह पाटील कौलवकर, सर्व संचालक मंडळ, प्रभारी कार्यकारी संचालक संजय पाटील, जि प सदस्य पांडुरंग भांदिगरे आदी मान्यवर उपस्थित होते.