प्रतिनिधी/बांदा: बांदा एसटी स्टँड समोर समोरील बोगद्द्यापासून सर्कल पर्यंत गॅस पाईपलाईनचे काम चालू असल्याने सदरील बोगदा वाहतूक व येणे जाणे करिता बंद करण्यात आलेला आहे. उद्या दिनांक 15 जून 2023 पासून सर्व शाळा व महाविद्यालये सुरू होत आहेत रस्ता बंद असल्याने शाळकरी मुलांची गैरसोय होणार आहे .
बांदा येथील निमजगावाडी, गवळीटेंबवाडी तसेच वाफोली गावातून जवळपास 200 ते 300 मुले दररोज बांदा येथील वेगवेगळ्या शाळांमध्ये व कॉलेजमध्ये पाई ये-जा करत असतात व सदर विद्यार्थ्यांचा बोगद्यामधून जाण्या-येण्याचा नित्याचा व महामार्ग ओलांडण्याकरीता सुरक्षित असा मार्ग आहे. पण आज रोजी सदरचे गॅस पाईपलाईनचे काम चालू असल्याने बोगदा वाहतुकीस व येणे-जाणेस बंद केल्यामुळे सदरील विद्यार्थी हे हायवेवरून प्रवास करण्याची शक्यता आहे. तसेच लवकर जाण्याच्या उद्देशाने महामार्ग क्रॉस करण्याची देखील शक्यता व प्रयत्न होऊ शकतो. अशावेळी कोणतेही दुर्घटना अथवा अनुचित प्रकार घडू नये व जोपर्यंत सदर पाईपलाईनचे काम पूर्ण होत नाही व बोगदा वाहतुकीस खुला होत नाही तोपर्यंत विद्यार्थ्यांच्या वाहतुकीकरिता तेथे शाळा व महाविद्यालयाच्या सुरू होण्याच्या व सुटण्याच्या वेळी तेथे पोलिसांची उपस्थिती व इतर योग्य उपाययोजना करण्यात यावेत. असे लेखी निवेदन बांदा पोलीस सहा उपनिरीक्षक प्रशांत पवार यांना दिले यावेळी ग्रामपंचायत सदस्य प्रशांत बांदेकर, ग्रामपंचायत सदस्य रत्नाकर आगलावे,गुरू कल्याणकर, हेमंत दाभोलकर आदी उपस्थित होते.
Trending
- “आयपीएल” मॅचवर ऑनलाईन सट्टा; तिघे युवक गजाआड! सांगोल्यात खळबळ
- बालिंगा- पाडळी रोडवर टेम्पोची दुचाकीला धडक; दुचाकीस्वार जागीच ठार
- बहिरेश्वरच्या श्रीकृष्ण तलावाचे रुपडे पालटणार! लोकसहभागातून गाळ काढण्याचे काम सुरू
- आंघोळीसाठी विहीरीत मारलेली उडी ठरली शेवटची! सावरवाडी येथील दुर्दैवी घटनेत वृद्धाचा मृत्यू
- पाणीपुरवठा विभागाकडील चार कर्मचारी निलंबित; आयुक्त शुभम गुप्ता यांचा दणका
- नववीपासून नवे धोरण लागू
- कान्स चित्रपट महोत्सवात ‘इफ्फी’ पोस्टरचे अनावरण
- पालिका, पंचायतींना झाडे कापण्यास मिळणार निधी