डीसीआरबीची कारवाई, एकाला अटक
प्रतिनिधी /बेळगाव
कित्तूर जवळील अवरादी येथे साडेतीन किलो गांजा जप्त करण्यात आला आहे. गुरुवारी डीसीआरबीच्या अधिकाऱयांनी ही कारवाई केली आहे. या प्रकरणी त्याच गावातील एका रहिवाशाला अटक करण्यात आली आहे.
सोमाप्पा बसाप्पा पुरद (वय 53) असे अटक करण्यात आलेल्याचे नाव आहे. डीसीआरबीचे पोलीस निरीक्षक निंगनगौडा पाटील, डी. के. पाटील, टी. के. कोळची, एस. एम. मंगण्णावर, जयराम हामण्णावर, एम. आय. पठाण आदींनी ही कारवाई केली.
कित्तूर पोलीस स्थानकात यासंबंधी एफआयआर दाखल करण्यात आला आहे. अवरादी येथील सोमाप्पाने गांजाचा साठा करुन ठेवल्याची माहिती मिळताच अचानक छापा टाकून त्याला अटक करण्यात आली. जप्त गांजाची किंमत 52 हजार 500 रुपये इतकी आहे. कित्तूर पोलीस पुढील तपास करीत आहेत.