वृत्तसंस्था/ अहमदाबाद
गुजरातमध्ये कोरोना विषाणू संसर्ग वेगाने होत आहे. कोरोनाचा फैलाव रोखण्यासाठी महापालिकेने कठोर नियमावली केली आहे. यापुढे शहरात सार्वजनिक ठिकाणी मास्क न वापरणाऱयांना पाच हजार रुपयांचा दंड किंवा तीन वर्षांच्या कारावासाची शिक्षा ठोठावण्यात येईल, असा ठरावच महापालिकेने मंजूर केला आहे, अशी माहिती सूत्रांनी दिली. महासाथ प्रतिबंध कायद्यान्वये ही नवी नियमावली तयार करण्यात आली आहे. सोमवार 13 एप्रिलपासून याची अंमलबजावणी होईल, अशी माहिती पालिकेचे आयुक्त विजय नेहरा यांनी दिली. शहरात 266 जणांना कोरोनाची बाधा झाली आहे. तर 11 जणांचा मृत्यू झाला आहे.