प्रतिनिधी / बेळगाव
जागतिक कर्णबधिरत्व निर्मूलन दिन केएलई हॉस्पिटल व काहेर विद्यापीठाच्या ईएनटी विभाग व जेएन मेडिकल कॉलेजतर्फे साजरा करण्यात आला. प्रमुख पाहुणे म्हणून विद्यापीठाचे सचिव डॉ. व्ही. ए. कोठीवाले उपस्थित होते. त्यांच्या हस्ते दीपप्रज्वलन करण्यात आले. यावेळी वैद्यकीय अधीक्षक एम. व्ही. जाली, डॉ. निरंजना महांतशेट्टी उपस्थित होते.
यावेळी 70 हून अधिक जणांची कर्ण तपासणी करण्यात आली. कानाची काळजी कशी घ्यावी, याबाबत डॉ. अनिल हारुगोप्प व डॉ. शमा बेल्लद यांनी माहिती दिली. याबाबत पथनाटय़ सादर करण्यात आले. डॉ. प्रीती हजारे व डॉ. राजेश हवालदार यांनी आकाशवाणीच्या माध्यमातून व्याख्यान दिले.