वार्ताहर / दोडामार्ग:
जमिनीच्या वादातून कुडासे-वानोशी येथे एका व्यक्तीला हात व पायावर पाळकोयत्याने हल्ल करीत गंभीर जखमी केले. ही घटना शुक्रवारी सायंकाळी घडली.
पोलिसांनी दिलेल्या माहितीनुसार कुडासे-वानोशी येथील पेडणेकर व शेर्लेकर या दोन कुटुंबात गेल्या कित्येक वर्षांपासून जमिनीवरून वाकडीक आहे. शुक्रवारी सायंकाळी याच जमिनीत काम करताना दिलीप लक्ष्मण शेर्लेकर याला मनोहर राजाराम पेडणेकर यांनी हटकले. त्याचदरम्यान दोघात वादावादी झाली. त्यावेळी मनोहर पेडणेकर यांनी दिलीप शेर्लेकरवर हल्ला करीत हातावर, पाठीवर व पायावर पाळकोयत्याने मारत जखमी केले. दिलीप शेर्लेकर याने पोलिसात दिलेल्या तक्रारीनुसार पोलिसांनी मनोहर पेडणेकरवर गुन्हा दाखल केला आहे.