फोंडा: तरवळे स्पोर्ट्स क्लबतर्फे 4 रोजी आयोजित करण्यात आलेला सत्कार सोहळा व क्रिकेट स्पर्धेचा पारितोषिक वितरण कार्यक्रम कोरोनाचा संसर्ग वाढत असल्यामुळे लांबणीवर टाकण्यात आला आहे. आयपीएल क्रिकेट स्पर्धेमध्ये रॉयल चॅलेंजर्स बेंगलोर संघात निवड झाल्यामुळे तरवळेचा सुयश प्रभुदेसाई यांचा तसेच तरवळे क्लबतर्फे खेळलेल्या माजी क्रिकेट खेळाडूंचा सत्कार सोहळा आयोजित करण्यात आला होता.
तरवळे क्लबने नुकतीच आयोजित केलेल्या स्व. डॉ. गोपीनाथ प्रभू सावकर चषक क्रिकेट स्पर्धेच्या विजेत्यांना यावेळी पारितोषिक वितरण करण्यात येणार होते. संबंधीतानी याची नोंद घ्यावी. पुढील तारीख जाहीर करण्यात येईल असे क्लबचे अध्यक्ष संदेश प्रभुदेसाई यांनी कळविले आहे.