नवी दिल्ली
चालू आर्थिक वर्षापेक्षा पुढील आर्थिक वर्षात अर्थव्यवस्था 9.5 टक्क्याने विकसित होताना दिसणार असल्याचा अंदाज वित्त क्षेत्रात कार्य करणाऱया फिच रेटिंग्जने व्यक्त केला आहे. कोरोनाच्या संक्रमणामुळे सध्या व्यापार-उद्योग धिम्या गतीने खबरदारी घेत सुरू झाले आहेत. चालू आर्थिक वर्षात ही अर्थव्यवस्था आक्रसणार असली तरी पुढील आर्थिक वर्ष हे सुवर्णकाळ ठरणार असल्याचे फिचने म्हटले आहे. या लॉकडाऊनने अनेकांना आव्हाने उभी केली आहेत. सध्या जागतिक मंदिचा असर असण्याची शक्यता असून भारत मात्र पुढील वर्षी गतीने अर्थव्यवस्थेत पुढे सरकू शकणार असल्याचे सांगण्यात येत आहे.