वृत्तसंस्था/ कराची
स्थानिक क्रिकेट स्पर्धेतील सामन्यात पाकचा माजी कर्णधार सर्फराज अहमदने असभ्य भाषेचा वापर केल्याने पाक क्रिकेट मंडळाने त्याला दंड केला आहे. या निर्णयामुळे सर्फराज अहमदला सामना मानधनातून 35 टक्के रक्कम दंड म्हणून द्यावी लागणार आहे.
कैद ए आझम चषक क्रिकेट स्पर्धेतील सामन्यात 33 वर्षीय सर्फराज अहमद सिंध इलेव्हन संघाचे नेतृत्व करीत होता. शनिवारच्या सामन्यात सर्फराज अहमदने पंचाच्या निर्णयावर टीका करताना असभ्य भाषेचा वापर केल्याने त्याच्यावर शिस्तपालन नियमाची कारवाई करण्यात आली. या स्पर्धेत सेंट्रल पंजाब संघातील फलंदाज उस्मान सल्लाउद्दीन यानेही मैदानावर बेशिस्त वर्तन केल्याने त्याला सामना मानधनापैकी 20 टक्के रक्कम दंड म्हणून द्यावी लागणार आहे.