मालवण/प्रतिनिधी-
दहावी, बारावी परीक्षेत उत्तीर्ण झालेल्या मालवण तालुक्यातील गाबित समाजातील गुणवंत विद्यार्थ्यांचा भव्य गुणगौरव समारंभ १७ जुलै रोजी होणार असल्याची माहिती मालवण तालुका गाबित समाज कार्यकारिणी अध्यक्ष डॉ. प्रमोद कोळंबकर यांनी दिली.
मालवण तालुका गाबित समाज कार्यकारिणीची सभा मंगळवारी गाबित समाज नागरी सहकारी पतसंस्था कार्यालयात पार पडली. यावेळी उपाध्यक्षा चारुशीला आचरेकर, खजिनदार मिथुन मालंडकर, सहसचिव गंगाराम आडकर, पूजा सरकारे, भाऊ मोरजे, दादा वाघ, राधिका कुबल, दिक्षा ढोके आदी उपस्थित होते. २०२१-२२ या शैक्षणिक वर्षात दहावी आणि बारावी परीक्षेत उत्तीर्ण गाबित विद्यार्थ्यांनी दादा वाघ 9422584004 श्री सिद्धीविनायक ट्रॕव्हल्स-मालवण बस स्टँडसमोर यांच्याकडे आपले नाव आणि गुणपत्रकाची साक्षांकित प्रत जमा करावी, असे आवाहन करण्यात आले आहे. तसेच २०२०-२१ या शैक्षणिक वर्षातील कोरोना प्रादुर्भावामुळे प्रलंबित राहिलेल्या गुणवंत गाबित विद्यार्थ्यांचाही गुणगौरव करण्याबाबत बैठकीत चर्चा करण्यात आली.