प्रतिनिधी / बेळगाव
11 फेब्रुवारी रोजी पंजाब इथे होणाऱ्या आरआयएमटी युनिव्हर्सिटी आयोजित अखिल भारतीय रोलर स्केटिंग स्पर्धेसाठी संपूर्ण कर्नाटकातून सहा जणांची निवड झाली असून त्यामध्ये बेळगावच्या जीआयटी कॉलेजमध्ये अभियांत्रिकी शिक्षण घेणाऱ्या विश्वविक्रमवीर रोहन अजित कोकणे याची निवड झाली आहे.त्याने आजपर्यंत तीन वेळा गिनीज वर्ल्ड रेकॉर्ड हा किताब मिळवला असून चार वेळा लिम्का बुक ऑफ वर्ल्ड रेकॉर्ड मध्ये त्याची नोंद झाली आहे . तत्पुर्वी पुणे येथे झालेल्या स्पर्धेमध्ये स्लालम या स्केटिंग प्रकारात पदक मिळविले आहे. आता त्याची युनिव्हर्सिटी ब्लू म्हणून विश्वेश्वरय्या युनिव्हर्सिटीने निवड केली आहे. त्याला जीआयटीचे चेअरमन एम. आर. कुलकर्णी, प्रिंसिपल डी. ए. कुलकर्णी, जिमखाना चेअरमन रमेश मेदार आणि इतर स्टाफने शुभेच्छा दिल्या. रोहनला प्रशिक्षक श्री.सूर्यकांत हिंडलगेकर यांचे अमुल्य मार्गदर्शन लाभले आहे.
Trending
- तलवार हल्ल्याने हादरले लंडन
- ‘चेतन’ यांचे व्हीजन घेऊनच कोल्हापूरचा विकास करणार : शाहू छत्रपती
- नेपाळी गुरखे असलेल्या सख्ख्या भावांच्या खूनाने रत्नागिरी हादरली
- टी-20 वर्ल्ड कप २०२४ साठी भारतीय क्रिकेट संघाची घोषणा!
- अल्पवयीन मुलीचे अपहरण करून अत्याचार केल्याप्रकरणी दहा वर्षांची शिक्षा
- दहावीचा निकाल १० मे ला जाहीर होण्याची शक्यता
- भाजप संविधान बदलणार ही अफवा !
- केंद्रीय मंत्री नितीन गडकरी यांची ५ मे रोजी सावंतवाडीत प्रचारसभा