पवार साहेबांचे स्वप्न आपण साकार करु : रोहित पवार
मायक्रो प्लँनिग करा,वज्रमुठ बांधा कामाला लागा – आ. रोहित पवार
प्रतिनिधी / पुणे
पुणे पदवीधर आणि शिक्षक मतदार संघ आपल्याकडे घेणे हे खासदार शरदचंद्र पवार यांचे स्वप्न आहे. त्यासाठी आपण सर्वांनी वज्रमुठ करून जास्तीत जास्त मतदान घडवणेसाठी मायक्रो प्लॅनिंग करा असे प्रतिपादन आमदार रोहित पवार यांनी केले. ते मोहोळ (जि. सोलापूर) येथे पदवीधर मतदार संघाचे उमेदवार अरुण गणपती लाड आणि शिक्षक मतदार संघाचे उमेदवार जयंत आसगावकर यांच्या प्रचार मेळाव्यात बोलत होते.
रोहित पवार म्हणाले, पाचही जिल्ह्यात अतिशय चांगले वातावरण आहे. स्वतः मतदारांनाच बदल हवा आहे. पवार साहेबांचे स्वप्न आपण साकार करुया.