वार्ताहर / पुलाची शिरोली
शिरोली औद्योगिक वसाहतीतील एका पेट्रोल पंपाजवळ झाडाला गळफास घेऊन ट्रक चालकाने आत्महत्या केली. ओंकार भगवान इंदुलकर वय वर्षे २५. रा. मालेवाडी ता. वाळवा जि. सांगली असे त्याचे नाव आहे. ही घटना रविवारी सकाळी आठ वाजता उघडकीस आली.
याबाबत घटनास्थळ व पोलिसांकडून मिळालेली माहिती अशी, ओंकार हा मालेवाडी येथील जाधव यांच्या मालवाहतूक ट्रकवर ड्रायव्हरचे काम करीत होता. शनिवारी तो शिरोली एमआयडीसीत आला होता. गाडीला लोड नसल्यामुळे तो एमआयडीसी भागात ट्रक थांबवून राहिला होता. दरम्यान, रविवार रात्री त्याने पेट्रोल पंपाच्या शेजारी असलेल्या एका झाडास दोरी बांधून गळफास घेतला. आत्महत्येचे कारण अद्याप समजले नाही. ह्या घटनेची नोंद शिरोली एमआयडीसी पोलीस ठाण्यात झाली आहे. स. पो. नि. किरण भोसले व फौजदार अतुल लोखंडे यांच्या मार्गदर्शनाखाली तपास सुरू आहे.