पंचायत समितीकडून चार गावातील शाळांचा आढावा, अत्याधुनिक सुविधा उपलब्ध होणार
प्रतिनिधी / मिरज
गेल्या अनेक वर्षांपासून दुर्लक्षित असलेल्या मिरज तालुक्यातील विविध गावांमधील जिल्हा परिषद शाळांचे आता लवकरच रोपडे पालटणार आहे. तालुक्यातील लक्ष्मीवाडी, खटाव, शिपूर, एरंडोली या चार गावांमधील जिल्हा परिषद शाळांचे मॉडेल स्कुलमध्ये रुपांतर करण्यासाठी पंचायत समिती स्तरावर तयारी सुरू झाली आहे. त्याअनुषंगांने पंचायत समिती सभापती, उपसभापती आणि अधिकाऱ्यांनी चारही गावातील शाळांना भेटी देऊन आढावा घेतला.
नूतन सभापती गितांजली कणसे, जिल्हा परिषद सदस्या सरिता कोरबू, उपसभापती अनिल आमटवणे यांच्यासह पंचायत समिती अधिकाऱ्यांच्या उपस्थितीत लक्ष्मीवाडी, खटाव, शिपूर आणि एरंडेली या गावांमध्ये जावून जि. प. शाळांची पाहणी करुन आढावा घेण्यात आला.