16 जुलैपर्यंत तर शुल्क भरण्यासाठी 19 पर्यंत मुदत
प्रतिनिधी /बेंगळूर
व्यावसायिक कोर्सच्या प्रवेशासाठी घेण्यात येणाऱया सामान्य प्रवेश परीक्षेचा (सीईटी-2021) अर्ज भरण्यासाठीची मुदत 16 जुलैपर्यंत वाढविण्यात आली आहे. त्यामुळे बारावी उत्तीर्ण होत असलेल्या विद्यार्थ्यांना अनुकूल होणार आहे, अशी माहिती उपमुख्यमंत्री आणि उच्च शिक्षणमंत्री डॉ. अश्वथ नारायण यांनी दिली.
सीईटीचा अर्ज दाखल करण्याबरोबरच शुल्क भरण्यासाठी याआधी असणारी मुदत आठवडय़ाने वाढविण्यात आली आहे. त्यानुसार अर्ज करण्यासाठी 16 जुलैपर्यंत तर परीक्षेचे शुल्क भरण्यासाठी 19 जुलैपर्यंत मुदत आहे. पालक आणि विद्यार्थ्यांच्या विनंतीवरून हा निर्णय घेण्यात आला आहे. अधिक माहितीसाठी http://kea.kar.nic.in या वेबसाईटला भेट द्यावी, असे आवाहन त्यांनी केले आहे.