प्रतिनिधी /बेळगाव
बालदिनाचे औचित्य साधुन लोकमान्य मल्टिपर्पज को-ऑप सोसायटीतर्फे गजानन भातकांडे शाळेमध्ये डॉ. शिल्पा कोडकिणी संचालित कोडकिणी आय हॉस्पिटलच्या सहकार्याने विद्यार्थ्यांची नेत्र तपासणी करण्यात आली. कोविड काळात ऑफलाईन क्लास घेण्यात आले. परंतु मोबाईलचा अति वापर डोळय़ांसाठी योग्य नाही. परंतु मुलांसमोर पर्यायही नव्हता. तथापि त्यांच्या डोळय़ांची सुरक्षितता लक्षात घेऊन ही तपासणी करण्यात आली.
यावेळी रिजनल मॅनेजर एम. एन. कुलकर्णी, भातकांडे शाळेचे अध्यक्ष मिलिंद भातकांडे, मुख्याध्यापिका सुवर्णा खन्नूकर उपस्थित होते. या तपासणीवेळी महाद्वाररोड शाखा, बसवाणगल्ली शाखा, व चन्नम्मा नगर शाखेचे सहकार्य लाभले.