बेंगळूर/प्रतिनिधी
कर्नाटकचे उपमुख्यमंत्री सी.एन. अश्वथ नारायण यांनी शनिवारी राज्यात कोविड प्रकरणात वाढ होत असूनही राज्यातील विद्यापीठ परीक्षा वेळापत्रकानुसार घेण्यात येतील, असे म्हंटले. एएनआयशी बोलताना उपमुख्यमंत्री अश्वथ नारायण यांनी “विद्यापीठाच्या परीक्षा वेळापत्रकानुसार घेतल्या जातील. परीक्षा संपताच वर्ग सुरू होतील. सुट्टी होणार नाही. सुरुवातीला ऑनलाईन वर्ग घेतले जातील आणि त्यानंतर विद्यार्थ्यांना ऑफलाइन वर्गात जाण्याचा पर्याय दिला जाईल.” . “११ दिवसाचा ‘कोरोना कर्फ्यू’ शनिवारी रात्रीपासून सुरु झाला. राज्याच्या राजधानीसह कर्नाटकातील काही जिल्ह्यांमध्ये हा कर्फ्यू लागू केला आहे.