वृत्तसंस्था/ लंडन
ब्रिटनचा 31 वर्षीय मुष्टीयोद्धा तसेच विश्व हेवीवेट गटातील चॅम्पियन अँथोनी जोशुआने शनिवारी येथे बल्गेरियाच्या पुलेव्हचा पराभव करत आयबीएफ, डब्ल्यूबीओ आणि डब्ल्यूबीए बेल्ट्स स्वत:कडे राखले.
शनिवारी वेम्ब्लेच्या स्टेडियममध्ये झालेल्या या लढतीत जोशुआने नवव्या फेरीत 39 वर्षीय पुलेव्हचा तांत्रिक गुणांवर पराभव केला. या लढतीसाठी केवळ 1000 शौकिंनाना परवानगी देण्यात आली होती.