इचलकरंजी / प्रतिनिधी
दिलेल्या तक्रारीकडे नगरपालिकेने साफ दुर्लक्ष केल्याच्या निषेधार्थ इचलकरंजी शहरातील एका युवकाने गुरुवारी दुपारी नगरपालिकेत आत्मदहन करण्याचा प्रयत्न केला. पण नगरपालिका कर्मचारी आणि पोलिसांनी वेळीच त्याचा आत्मदहनाचा प्रयत्न हाणून पाडीत, त्याला ताब्यात घेतले. या प्रकाराने नगरपालिकेत काही काळ गोंधळ उडाला होता.
इचलकरंजी शहरातील बीजेपी मार्केट परिसरात राहणाऱ्या जाजू नामक युवकाने वडील आणि त्यांच्या मित्रांनी संगणमत करुन बेकायदेशीर बांधकाम केले आहे. त्या बाधकामाविरोधी कारवाई करावी, अशा तक्रार केली होती. या तक्रारीला आठ महिन्यांचा कालावधी लोटला. तरी देखील नगरपालिका प्रशासनाने त्या तक्रारीकडे साफ दुर्लक्ष केले. याचा जाब विचारण्यासाठी तो गुरुवारी दुपारी नगरपालिकेत आला. दिलेल्या तक्रारीकडे नगरपालिका दुर्लक्ष करीत असल्याच्या निषेधार्थ आत्मदहन करण्याचा प्रयत्न करु लागला. यावेळी बंदोबस्तावरील पोलीस आणि नगरपालिका कर्मचारी हस्तक्षेप करीत वेळीच त्याला ताब्यात घेवून पोलीस ठाण्यात आणले. त्यानंतर पोलिसांना मी आत्मदहन करणार नसल्याचे लिहून दिल्यानंतर पोलिसांनी त्याला सोडून दिले.