प्रतिनिधी / सांगली
सांगली शहरातील सर्वसामान्य भाजीपाला विक्रेत्यांनी आपल्या माणुसकीचे दर्शन घडवत लांडग्याच्या हल्ल्यात बारा शेळ्या मृत्युमुखी पडलेल्या मेंढपाळाला आर्थिक हातभार लावण्याचे महत्त्वाचे कार्य केले आहे. जनसेवा फळे-भाजीपाला संघटनेच्या पुढाकाराने संजय नगर बाजारांमध्ये हा निधी मेंढपाळाला सुपूर्द करण्यात आला.
कोल्हापूर जिल्ह्यातील राधानगरी तालुक्यातील राशिवडे गावच्या रंगराव बाबू जोंग या वयोवृद्ध मेंढपाळाने पलूस तालुक्यातील ब्रह्मनाळ येथे एका शेतात आपला कळप उतरवला आहे. रविवारी दुपारच्या सुमारास मेंढपाळ बेसावध असताना लांडग्यानी केलेल्या हल्ल्यात बारा शेळ्या दगावल्या होत्या. या गंभीर संकटात समाजाकडून आपल्याला मदत मिळावी अशी त्यांची अपेक्षा होती. याच गावात राहणारे जनसेवा भाजीपाला संघटनेचे सचिव अजित राजोबा यांना त्यांनी मदतीचे आवाहन केले होते. ही बाब त्यांनी जनसेवा संघटनेचे अध्यक्ष शंभूराज काटकर यांच्या कानावर घातली. काटकर यांनी संघटनेच्या व्हाट्सअप ग्रुप च्या माध्यमातून दगावलेल्या मेंढ्यांची छायाचित्रे आणि मदतीचे आवाहन केले. त्याला भाजीपाला विक्रेत्यांनी जोरदार प्रतिसाद देत अल्पावधीतच रक्कम जमवली.
बुधवारी सायंकाळी संजय नगर येथील आठवडा बाजार मध्ये जन्मलेली सात हजार रुपयांची रक्कम मेंढपाळकडे अध्यक्ष शंभूराज काटकर, कार्याध्यक्ष इलियास पखाली, उपाध्यक्ष कैस अलगुर, सचिव अजित राजोबा यांच्या हस्ते आणि संचालक अभय म्हारगुडे, अजय दुधाळ, संभाजी काळेल, लताताई दुधाळ, लता ताई पाटील, दादा लोखंडे, नामदेव धायगुडे, सौ सुतार, सौ. कलाल, सौ. सरगर, सखु ताई मासाळ, धनाजी चव्हाण विजय माळी, निसार बागवान प्रशांत शिकलगार, शंकर चांदकवठे, राजू नरळे धनाजी कोळपे सचिन कोळेकर यांच्या उपस्थित सुपूर्द करण्यात आली. या मेंढपाळाला कोणी मदत करणार असतील तर त्यांनी कोणत्याही आठवडा बाजारात जनसेवा संघटनेच्या पदाधिकाऱ्यांना संपर्क साधावा असे आवाहन शंभूराज काटकरांनी केले आहे
Previous Articleकोल्हापूर : गडहिंग्लज कारखान्याला ब्रिक्सचा राम राम
Next Article सणसवाडी औद्यागिक क्षेत्रातील एका कंपनीला भीषण आग
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.