प्रतिनिधी/चिपळूण
चिपळूण तालुक्यातील निरबाडे येथील दगड खणीतील डबक्यात आईबरोबर कपडे धुण्यासाठी गेलेल्या दोन सख्या बहिणी बुधवारी दुपारी बुडाल्या. यात नजराना अहमद शेख (वय-9 ) या बालिकेचा बडून मृत्यू झाला. तर एकीला वाचवण्यात यश आले असून तिला चिपळुणातील खासगी रुग्णालयात दाखल करण्यात आले आहे.
निरबाडे मोहल्ला येथे राहणाऱ्या नजराना अहमद शेख (वय-9 ) आणि अरजीना अहमद शेख (11) या दोघी आपल्या आईबरोबर दुपारी बारा वाजता जवळच्या दगडाच्या खणीमधील डबक्यात कपडे धुण्यासाठी गेल्या होत्या. या वेळी नजराणा हिचा पाय घसरून ती पाण्यात पडल्यानंतर तिला वाचवण्यासाठी अरजीना धावली मात्र दोन्ही बुडू लागल्या नंतर आईने आरडाओरडा करण्यास सुरुवात केली. यावेळी जवळचे ग्रामस्थ धावून आले आणि त्यांनी त्या दोघींना पाण्यातून बाहेर काढले त्यांना तात्काळ चिपळूण शहरातील खासगी रुग्णालयात दाखल केले मात्र दाखल करण्यापूर्वीच नजराना हिचा मृत्यू झाला. तर अरजीनावर उपचार सुरू आहेत. घटनेची माहिती मिळताच पोलीस घटनास्थळी पोचले.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.