ऑनलाईन टीम / जम्मू :
जम्मू काश्मीरमध्ये दिवसभरात 85 नवे कोरोना रुग्ण आढळले आहेत. त्यामुळे एकूण रुग्णांची संख्या 1 लाख 26 हजार 286 वर पोहोचली आहे.
मिळालेल्या माहितीनुसार, मिळालेल्या नव्या रुग्णांमध्ये जम्मूतील 16 आणि काश्मीर मधील 69 जणांचा समावेश आहे. सद्य स्थितीत 803 रुग्णांवर उपचार सुरू आहेत.
त्यातच दिलासादायक बाब म्हणजे काल दिवसभरात 101 रुग्णांना डिस्चार्ज दिला. तर आतापर्यंत 1,23,527 रुग्णांची प्रकृती सुधारली असून त्यांना घरी सोडण्यात आले आहे. यामध्ये 51,049 रुग्ण जम्मूतील तर 72,478 जण काश्मीरमधील आहेत.
तर आतापर्यंत 1956 जणांचा कोरोनामुळे मृत्यू झाला आहे. यामध्ये जम्मूतील 725 जण तर काश्मीरमधील 1231 जणांनी आपला जीव गमावला आहे.