नवी दिल्ली
रिलायन्स जिओ येत्या काळात आपल्या जिओ फोनच्या किमती वाढविण्याचे संकेत आहेत. साधारणपणे जिओ 300 रुपयांपर्यंत वाढ करण्याची माहिती आहे. किंमत वाढीनंतर जिओ फोनची किरकोळ किंमत ही 999 रुपयांवर होण्याचा अंदाज आहे. सध्या या फोनची किंमत ही 699 रुपये इतकी आहे. यामुळे लवकरच कंपनी किमतीबाबतची घोषणा करण्याची शक्यता आहे. रिलायन्स जिओने आपला पहिला 4 जी सुविधा असणारा फोन बाजारात आणला होता. प्रारंभीच्या काळात जिओ फोन 1500 रुपयाला दाखल केला होता.