वृत्तसंस्था/ माद्रिद
आंतरराष्ट्रीय टेनिसमधील प्रति÷sची आणि सर्वात जुनी समजली जाणारी डेव्हिस चषक टेनिस स्पर्धा ही प्रत्येक टेनिसपटूच्या दृष्टीकोनातून महत्त्वाची असते. 2021 च्या डेव्हिस चषक टेनिस स्पर्धेत रशियाने स्वीडनचा उपांत्यपूर्व सामन्यात पराभव करत उपांत्य फेरीत प्रवेश मिळविला आहे. रशियाने या स्पर्धेची सलग दुसऱयांदा उपांत्य् ाफेरी गाठली आहे.
रशिया आणि स्वीडन यांच्यातील या लढतीत एटीपीच्या मानांकनात दुसऱया स्थानावर त्याचप्रमाणे अमेरिकन ग्रॅण्डस्लॅम विजेता डॅनिल मेदवेदेव्हने सलामीच्या एकेरी सामन्यात स्वीडनच्या मायकेल एमेरचा 6-4, 6-4 अशा सरळ सेट्समध्ये पराभव केला. त्यानंतर दुसऱया एकेरी सामन्यात रशियाच्या पाचव्या मानांकित आंदे रुबलेव्हने स्वीडनच्या इलेस एमेरचा 6-2, 5-7, 7-6 (7-3) असा पराभव केला. आता या स्पर्धेत शनिवारी रशिया आणि जर्मनी यांच्यात उपांत्य फेरीचा सामना होईल. या लढतीतील विजयी संघ रविवारी सर्बियाबरोबर जेतेपदासाठी लढत देईल. 2019 साली झालेल्या या स्पर्धेत रशियाने सर्बियाचा पराभव करत उपांत्य फेरीत स्थान मिळविले होते.