सातारा / प्रतिनिधी :
सैदापूर येथील आरोपी अर्जुन नागराज गोसावी याला सातारा जिल्ह्यातून दोन वर्षासाठी तडीपार करण्यात आले होते. तरीही तो आदेशाचा भंग करत सैदापूर येथील राहत्या घराच्या परिसरात वावरत होता. यामुळे सातारा तालुका पोलीसांच्या डीबी पथकाने त्याला अटक करून गुन्हा दाखल केला.
याबाबत पोलीसांनी दिलेल्या माहिती अशी की, गोसावी वस्तीतील आरोपी अर्जुन नागराज गोसावी याला दोन वर्षासाठी तडीपार करण्यात आले आहे. तरीही हा सैदापुर वस्तीत फिरत आहे. अशी माहिती डीबी पथकाला मिळाली. डीबी पथकाने शुक्रवारी सैदापूर वस्तीत छापा टाकून अर्जुन गोसावी याला अटक केली. तसेच तडीपारीच्या आदेशाचे उल्लघंन केल्याप्रकरणी त्यांच्यावर गुन्हा दाखल करण्यात आला आहे.