ऑनलाईन टीम / चेन्नई : ही
देशात कोरोनाचा फैलाव झपाट्याने वाढत आहे. त्यातच तामिळनाडूमध्ये गेल्या 24 तासात 5 हजार 175 नवे कोरोना रुग्णांची नोंद झाली. त्यामुळे एकूण रुग्णांची संख्या 2 लाख 73 हजार 460 वर पोहोचली आहे.
त्यातच दिलासादायक बाब म्हणजे काल दिवसभरात 6031 रुग्णांना डिस्चार्ज देण्यात आला तर आतापर्यंत 2 लाख 14 हजार 815 रुग्णांची प्रकृती सुधारली असून त्यांना घरी सोडण्यात आले आहे.
तर कालच्या दिवसात 112 जणांचा कोरोनामुळे मृत्यू झाला आहे. तर आतापर्यंत 4 हजार 461 जणांनी आपला जीव गमावला आहे. सद्यस्थितीत राज्यात 54 हजार 184 रुग्णांवर विविध रुग्णालयात उपचार सुरू आहेत.
दरम्यान, बुधवारी 61,166 रुग्णांचे नमुने घेण्यात आले त्यातील 59,156 जणांची तपासणी करण्यात आली आहे. तर आतापर्यंत एकूण 29 लाख 53 हजार 561 जणांचे नमुने घेण्यात आले असून त्यातील 28 लाख 45 हजार 406 जणांची तपासणी केली आहे.