डॉक्टरकडे गेला असता कडोलकर गल्ली येथे घडली घटना
प्रतिनिधी / बेळगाव
फिटस् येवून दुसऱया मजल्यावरुन पडून लक्ष्मी गल्ली-हिंडलगा येथील एका तरुणाचा मृत्यू झाला. गुरुवारी सकाळी 11.15 वाजण्याच्या सुमारास कडोलकर गल्ली येथे ही घटना घडली आहे. उपचारासाठी डॉक्टरकडे गेले असता फिटस् येवून तो इमारतीवरुन खाली पडून त्या तरुणाचा मृत्यू झाला आहे.
रोहन राजू कुप्पेकर (वय 27, रा. लक्ष्मी गल्ली-हिंडलगा) असे त्या तरुणाचे नाव आहे. त्याच्या पश्चात आई, वडील, दोन भाऊ, काका, बहिणी असा परिवार आहे. रोहन गुरुवारी सकाळी आपल्या वडिलांसमवेत कडोलकर गल्ली येथे उपचारासाठी डॉक्टरांकडे गेला होता.
दुसऱया मजल्यावर तो थांबला होता. फिटस् येवून 11.15 वाजण्याच्या सुमारास तो इमारतीवरुन खाली पडला. त्याच्या डोक्मयाला व पायांना जबर दुखापत झाली. त्याला तातडीने खासगी इस्पितळात हलविताना वाटेतच त्याचा मृत्यू झाल्याचे डॉक्टरांनी सांगितले. त्यानंतर खडेबाजार पोलिसांना घटनेची माहिती देण्यात आली.
पोलिसांनी घटनास्थळी भेट देवून पंचनामा केला. त्यानंतर सिव्हिल हॉस्पिटलमधील शवागारात उत्तरीय तपासणी करुन त्याचा मृतदेह नातेवाईकांच्या ताब्यात देण्यात आला. पोलिसांनी दिलेल्या माहितीनुसार गेल्या पाच वर्षांपासून त्याला फिटस् येत होते. त्याच्यावर उपचारही सुरु होते. या घटनेने परिसरात हळहळ व्यक्त होत आहे.