ऑनलाईन टीम / नवी दिल्ली :
भारतात मागील 24 तासात 48 हजार 661 नवे कोरोनाबाधित रुग्ण आढळून आले. तर 705 रुग्णांचा मृत्यू झाला. त्यामुळे देशातील एकूण कोरोनाग्रस्तांची संख्या आता 13 लाख 85 हजार 522 वर पोहचली असून, मृतांची संख्या 32 हजार 063 एवढी आहे.
सध्या देशात 4 लाख 67 हजार 882 ॲक्टिव्ह कोरोना रुग्ण असून, त्यांच्यावर रुग्णालयात उपचार सुरू आहेत. आतापर्यंत 8 लाख 85 हजार 577 रुग्ण या आजारातून पूर्णपणे बरे झाले असून, त्यांना डिस्चार्ज देण्यात आला आहे.
महाराष्ट्रात आतापर्यंत 3 लाख 66 हजार 368 रुग्ण आढळले आहेत. तामिळनाडूत 2 लाख 06 हजार 737, दिल्ली 1 लाख 29 हजार 531,गुजरातमध्ये 54 हजार 626, मध्यप्रदेश 26 हजार 926, आंध्र प्रदेश 88 हजार 671, बिहार 36 हजार 604, राजस्थान 35 हजार 298, उत्तरप्रदेश 63 हजार 742 तर पश्चिम बंगालमध्ये 56 हजार 377 कोरोना रुग्ण आढळून आले आहेत.