ऑनलाईन टीम / पुणे :
पुणे विभागातील 20 हजार 916 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 35 हजार 409 झाली आहे. तर ॲक्टिव्ह रुग्ण 13 हजार 242 आहे. विभागात कोरोनाबाधीत एकुण 1 हजार 251 रुग्णांचा मृत्यू झाला आहे. तसेच 648 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बऱ्या होणाऱ्या रुग्णांचे प्रमाण 59.07 टक्के आहे, तर मृत्यूचे प्रमाण 3.53 टक्के इतके आहे.अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 29 हजार 403 बाधीत रुग्ण असून कोरोना बाधित 17 हजार 329 रुग्ण बरे होवून घरी गेले आहेत. ॲक्टिव्ह रुग्ण संख्या 11 हजार 199 आहे. कोरोनाबाधित एकूण 875 रुग्णांचा मृत्यू झाला आहे. तसेच 492 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बऱ्या होणाऱ्या रुग्णांचे प्रमाण 58.94 टक्के आहे. तर मृत्यूचे प्रमाण 2.98 टक्के इतके आहे.
आजपर्यत विभागामध्ये एकुण 2 लाख 6 हजार 270 नमूने तपासणीसाठी पाठविण्यात आले होते, त्यापैकी 2 लाख 2 हजार 243 नमुन्यांचा अहवाल प्राप्त झाला आहे. तर 4 हजार 27 नमून्यांचा अहवाल प्रतीक्षेत आहे. प्राप्त अहवालांपैकी 1 लाख 66 हजार 467 नमून्यांचा अहवाल निगेटीव्ह असून 35 हजार 409 नमून्यांचा अहवाल पॉझिटिव्ह आहे.