नवी दिल्ली
देशातील सर्वात मोठी गॅस आयात कंपनी पेट्रोनेट एलएनजी लिमिटेडचा डिसेंबर 2020 च्या तिमाहीमध्ये निव्वळ नफा 30 टक्क्यांनी वाढला आहे. कंपनीने दिलेल्या माहितीनुसार ऑक्टोबर-डिसेंबरच्या दरम्यान निव्वळ लाभ 878.47 कोटी रुपये होता. एक वर्षा अगोदर समान तिमाहीत हा आकडा 675.18 कोटी रुपये होता. आमच्या कंपनीने मजबूत कामगिरी केली असून येणाऱया काळात प्रकल्पामध्ये कुशल आणि प्रभावशाली व्यावसायिक योजना आखण्यावर भर देण्यात येणार असल्याचे पेट्रोनेटचे संचालक आणि सीईओ ए. के. सिंह यांनी सांगितले आहे.