पाटणा
भाजपने माजी केंद्रीय मंत्री शहनवाझ हुसैन यांना बिहारमध्ये विधान परिषदेच्या पोटनिवडणुकीसाठी उमेदवारी दिली आहे. भाजपचे राष्ट्रीय महासचिव अरुण सिंग यांच्याकडून शनिवारी उमेदवारांची यादी जाहीर करण्यात आली आहे. बिहारमध्ये दोन जागांसाठी पोटनिवडणूक होणार असून दोन्ही भाजपच्या कोटय़ातील आहेत. यातील एक जागा सुशील मोदी राज्यसभा सदस्य म्हणून निवडून गेल्याने रिक्त झाली आहे. तर दुसरी जागा विनोद कुमार झा आमदार झाल्याने रिक्त झाली होती. राज्यातील आमदारांची संख्या पाहता 28 जानेवारी रोजी होणाऱया निवडणुकीत भाजपला एक जागा गमवावू लागते.
तर उत्तरप्रदेशात विधान परिषदेच्या 12 जागांवर निवडणूक होणार आहे. यातील 6 उमेदवारांच्या नावांची घोषणा करण्यात आली आहे. भाजपने कुंवर मानवेंद्र सिंग, गोविंद नारायण शुक्ला, सलिल बिश्नोई, अश्वनी त्यागी, धर्मवीर प्रजापति आणि सुरेंद्र चौधरी यांना उमेदवारी दिली आहे.