ऑनलाईन टीम / बेंगळूर :
बेंगळूर परिसरात आज सूर्याने प्रभामंडळ म्हणजेच खळे केल्याचे दिसून आले. जेव्हा सूर्य पृथ्वीपासून 22 अंशाच्या कोणात जातो, तेव्हा आकाशातील आद्रतेमुळे सूर्याभोवती हे वलय निर्माण होते. तसेच आकाशात सिरस नावाचे ढग तयार झाल्यानंतर हे प्रभामंडळ आपल्याला दिसते. अनेकदा चंद्राभोवती हे प्रभामंडळ दिसून येते. मात्र, सूर्याचं प्रभामंडळ तसे दुर्मिळ. प्रभामंडळ याला इंग्रजीत हेलो असेही म्हटले जाते.
सूर्याच्या या प्रभामंडळाची छायाचित्रे आणि व्हिडिओ अनेकांनी सोशल मीडियावर व्हायरल केली आहेत.