ऑनलाईन टीम / ब्रासिलिया :
ब्राझीलमध्ये कोरोनाबाधितांच्या संख्येने 28 लाखाचा टप्पा गाठला आहे. बुधवारी ब्राझीलमध्ये 56 हजार 411 नव्या कोरोनाबाधित रुग्णांची नोंद झाली. तर 1394 रुग्णांचा मृत्यू झाला आहे. ब्राझीलमध्ये आतापर्यंत 28 लाख 08 हजार 076 जणांना कोरोनाची बाधा झाली असून, 96 हजार 096 जणांचा मृत्यू झाला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
28 लाख कोरोनाबाधितांपैकी 19 लाख 70 हजार 767 रुग्ण पूर्णपणे बरे झाले असून, त्यांना डिस्चार्ज देण्यात आला आहे. 7 लाख 41 हजार 213 रुग्णांवर उपचार सुरू आहेत. त्यामधील 8318 रुग्णांची प्रकृती चिंताजनक आहे. ब्राझीलमध्ये आतापर्यंत 1 कोटी 33 लाख 29 हजार 028 जणांची कोरोना टेस्ट करण्यात आली आहे.
दरम्यान, जगात कोरोना संक्रमणाचा वेग अमेरिकेत सर्वाधिक आहे. अमेरिकेनंतर कोरोना रुग्णवाढीच्या संख्येत ब्राझीलचा दुसरा क्रमांक लागतो. अमेरिकेत आतापर्यंत 49 लाख 18 हजार 770 जणांना कोरोनाची बाधा झाली आहे. तर 1 लाख 60 हजार 323 जणांचा मृत्यू झाला आहे.