ऑनलाईन टीम / मुंबई :
महाराष्ट्रात ‘ब्रेक द चेन’ मधील निर्बंधाची अंबबाजवणी बुधवारी रात्री 8 वाजल्यापासून सुरू झाली आहे. संचारबंदीचे कडक पालन करण्याचे आदेश मुख्यमंत्र्यांकडून देण्यात आले आहेत. तरी संसर्गाचे प्रमाण काही कमी होताना दिसत नाही आहे. त्यातच आता भाजपचे नेते आणि आमदार आशिष शेलार यांना कोरोनाची लागण झाली आहे. त्यांनी स्वतः ट्विट करत याबाबत माहिती दिली आहे.
ते आपल्या ट्विटमध्ये म्हणाले की, मी आज कोविड 19 ची तपासणी केली असता, माझी चाचणी पॉझिटिव्ह आली आहे. मी औषधोपचार आणि डॉक्टरांचा सल्ला घेत आहे. जे कोणी माझ्या संपर्कात आलेले आहेत, त्या सर्वांनी स्वत:ला वेगळे ठेवावे आणि वैद्यकीय तज्ज्ञांचा सल्ला घ्यावा. मी माझ्या कार्यालयामार्फत मुंबईकरांच्या मदतीसाठी उपलब्ध असल्याचेही आशिष शेलारांनी यावेळी सांगितले.
- मुंबईत 9,925 नवे रुग्ण
दरम्यान, बुधवारी मुंबईत 9,925 नव्या कोरोना रुग्णांची नोंद झाली. तर 54 जणांचा मृत्यू झाला. तर कालच्या दिवसात 9,273 जणांना डिस्चार्ज देखील देण्यात आला. तर 4,44,214 जण कोरोनामुक्त झाले आहेत. तर मृतांची एकूण संख्या 12,140 इतकी आहे. सद्य स्थितीत 87 हजार 443 रुग्णांवर उपचार सुरु आहेत. सद्य स्थितीत रुग्ण दुपटीचा कालावधी 40 दिवसांचा आहे