चालू वर्षातील फेब्रुवारीत झाले होते सादरीकरण
नवी दिल्ली
ऑडी कंपनीने भारतामधील आपली इलेक्ट्रिक ई-टॉर्न जीटी आणि आरएस ई टॉर्न जीटी लाँच केली आहे. ई-टॉर्न जीटीची प्रारंभीची एक्स शोरुम किमत 1.80 कोटी रुपये आणि आरएस ई-टॉर्न जीटीची प्रारंभीची एक्स शोरुम किमत 2.05 कोटी रुपये असल्याची माहिती कंपनीने दिली आहे.
ऑडीने ई-टॉर्न जीटी हे मॉडेल चालू वर्षातील फेबुवारीत सादर केले होते. भारतात हे सर्वात मजबूत मॉडेल राहणार असून याची टक्कर ही थेट टेस्लाच्या मॉडेल एस प्लेड आणि पोर्शे टेकनसोबत राहणार आहे.
इंजिन क्षमता ः ई-टॉर्न जीटीची मोटार 470 एचपी पॉवर आणि 630 एनएमचा टॉर्क जनरेट करते. तसेच यामध्ये ऍडिशनल 522 एचपी पॉवर आणि 10 एनएमचा ओव्हरबूस्ट मोड दिला आहे. या प्रकारे आरएस ई-टॉर्न जीटी मोटर 590 एचपी पॉवर आणि 830 एनएम चा टॉर्क जनरेट करत असून यामध्ये ऍडिशनल 637 एचपी पॉवर मोड दिला आहे.