बलभीम मैदानात शंभराहून अधिक चटकदार कुस्त्या
बोरगाव / वार्ताहर
वाळवा तालुक्यातील बोरगाव येथील श्री बलभीम यात्रेनिमित्त आयोजित केलेल्या कुस्ती मैदानात प्रथम क्रमांकासाठी भारत मदने विरुद्ध गणेश जगताप याच्यात झालेल्या अटीतटीच्या लढतीत जगताप यावर उलटी डाव मारून भारत मदने याने चटकदार कुस्ती करून कुस्ती शौकिनांच्या डोळ्यांचे पारणे फेडले. बलभीम केसरी सह १ लाखाच्या इनामाचा मानकरी ठरला. या मैदानात १०० हुन अधिक चटकदार कुस्त्या झाल्या.
द्वितीय क्रमांकासाठी संतोष सुतार विरुद्ध राजेंद्र सुळ या लढतीत सुतार याने गुणावर विजयी मिळवत बोरगाव केसरीसह ७५ हजाराचा मानकरी ठरला. अरुण बोगांर्डे विरुद्ध प्रशांत शिंदे यांच्या झालेल्या चटकदार कुस्तीत बोगांर्डे याने विजय मिळवत कृष्णाई केसरी किताबासह ५१ हजाराचा मानकरी ठरला ही तिसऱ्या क्रमांकाची लढत लक्षवेदी ठरली. बोरगावचा मल्ल शंभूराज पाटील याने शाहरूख मुलाणी याला चितपट करून शौकिनांची वाहवा मिळवली.