सब्यसाची दत्ता यांच्यासाठी मागितली मते
पश्चिम बंगालच्या विधानसभा निवडणुकीत भाजप आणि तृणमूल काँग्रेसने अनेक चित्रपट कलावंतांना मैदानात उतरविले आहे. एकीकडे काही कलाकार पक्षांकडून निवडणूक लढवत आहेत. तर काही कलाकार प्रचारक म्हणून दिसून येत आहेत. बॉलिवूड अभिनेत्री महिमा चौधरीही आता भाजपसाठी प्रचारात उतरली आहे. तिने सोमवारी सकाळी लेक टाउन भागत भाजपच्या प्रचारमोहिमेत भाग घेतला आहे.
महिमा हिने येथील भाजप उमेदवार सब्यसाची दत्ता यांच्यासाठी प्रचार केला आहे. यापूर्वी कमरहाटी मतदारसंघात महिला तृणमूल काँग्रेसच्या प्रचाररॅलीत सामील झाली होती. तेथे तिने तृणमूल काँग्रेसचे उमेदवार मदन मित्रा यांच्यासाठी मते मागितली होती. तृणमूल आणि भाजप या दोन्ही पक्षांसाठी महिमा चौधरी किती लाभदायक ठरते हे येणारा काळच ठरविणार आहे.
समाजवादी पक्षाच्या नेत्या, खासदार आणि अभिनेत्री जया बच्चन या देखील तृणमूलच्या प्रचारमोहिमेत दिसून आल्या आहेत. एका रोड शोदरम्यान त्यांनी एका कार्यकर्त्याला धक्का दिल्याने मोठा वाद निर्माण झाला होत. हावडा येथे हा प्रकार घडला होता.
भाजपला मिथूनचे समर्थन महिमा आणि जया बच्चन यांच्यापूर्वी मिथून चक्रवर्ती हे देखील निवडणुकीच्या मैदानात दिसून आले आहेत. त्यांनी भाजपमध्ये प्रवेश केला आहे. मिथुन मागील काही दिवसांपासून भाजपसाठी सातत्याने प्रचार करत आहेत.