वृत्तसंस्था/ मुंबई
आगामी इंडियन सुपर लीग हंगामासाठी 20 वर्षीय फुटबॉलपटू मोहम्मद रकिप बरोबर मुंबई सिटी एफसी संघाने नुकताच नवा करार केल्याची माहिती या संघाच्या वरिष्ठ अधिकाऱयांनी मंगळवारी दिली.
मुंबई सिटी एफसी संघाने मोहम्मद रकिप बरोबर दोन वर्षांचा करार केला आहे. 2017-18 च्या कालावधीत मोहम्मद रकिप आय लीग सेकंड डिव्हिजन फुटबॉल स्पर्धेत मुंबई सिटी एफसी ब संघातून खेळत होता. रकिपने आता वरिष्ठ संघात स्थान मिळविले आहे. रकिपने गेल्या दोन फुटबॉल हंगामामध्ये केरळ ब्लास्टर्सच्या वरिष्ठ संघातून 26 सामन्यांत खेळ केला आहे.