वार्ताहर/ रामदुर्ग
तालुक्मयातील तुरनूर, गोणगनूर, मल्लापूर, मागनूर, मागनूर प्लॉट येथे एकूण 223 नूतन शाळा खोल्या निर्माण करण्यात येत आहेत. यामुळे तालुक्यात शैक्षणिक विकासाला चालना मिळणार आहे, असे आमदार महादेवप्पा यादवाड यांनी सांगितले. दरम्यान, तुरनूर येथे 44 लाख, गोणगनूर येथे 48 लाख, मल्लापूर येथे 22 लाख, मागनूर येथे 22 लाख व मागनूर प्लॉटमध्ये 11 लाख रुपये अनुदानामधून शाळा खोल्या कामास त्यांनी चालना दिली.
शिक्षकांनी वेळेचे पालन व कर्तव्यात कसूर करू नये. तसेच याकडे ग्रामस्थांनी लक्ष ठेवावे. शिक्षकांनी कर्तव्या कसूर केल्यास कठीण कारवाईचा इशाराही यादवाड यांनी दिला. याप्रसंगी सार्वजनिक बांधकाम खात्याचे साहाय्यक अभियंता रवीकुमार, प्रभारी गटशिक्षणाधिकारी के. एन. हाकाटी, तिप्पण्णा पुजेर, बसवराज हळ्ळी, पडियप्पा पाटील, लक्ष्मण पुजेर, यमनव्वा गोडची व एसडीएमसी अध्यक्ष व ग्रामस्थ उपस्थित होते.