गोशाळा, गुरुकुलसाठी मागविल्या सूचना
अयोध्या : श्रीराम जन्मभूमी तीर्थक्षेत्र ट्रस्टने अयोध्येत राम मंदिरानजीकच्या 70 एकरमध्ये विकसित होणाऱया परिसराकरता जनतेकडून सूचना मागविल्या आहेत. मुख्य मंदिर तज्ञांच्या देखरेखीत नागर शैलीत तयार होत आहे, परंतु उर्वरित बाबींसाठी या सूचना मागविण्यात आल्या आहेत. अयोध्येत चालू आठवडय़ात राम मंदिर उभारणीसंबंधी झालेल्या बैठकीत यावर विचार करण्यात आला आहे. सर्वसाधारण दिवसांमध्ये दररोज 1 लाख भाविक मंदिरात दर्शनासाठी येतील, तर विशेषदिनी 5 लाख भाविकांची व्यवस्था करावी लागणार असल्याचा अनुमान आहे.
ट्रस्टने पुष्करणी, यज्ञ मंडपम, अनुष्ठान मंडपम, कल्याण मंडपम आणि राम जन्मोत्सव, हनुमान जयंती, रामचर्चा आणि सीता विवाह यासारख्या आयोजनांसाठी भवनांच्या संबंधी सूचना मागविल्या आहेत.