वार्ताहर /पणजी
जुने गोवे खोर्ली येथील पेट्रोल पंपाच्या विरुद्ध बाजूला वीज खांबाला बांधलेल्या स्वरनम हॉटेलचा नामफलक वाहतुकीला अडथळा ठरत आहे. संबंधित पंचायतीने किंवा वीज खात्याने सदर फलक त्वरित हटवावा, अशी मागणी वाहन चालकांतून होत आहे. रेल्वे पूल क्रॉस केल्यानंतर खोर्ली येथे बांधलेला स्वरनम हॉटेलचा हा नामफलक सुमारे दीड फूट रस्त्यावर आला आहे. वाहने अनेकवेळा फलकाला घासून जातात. यामुळे अपघात होण्याची भीती आहे. यासाठी हा फलक त्वरित हटवावा, अशी मागणी वाहन चालकांतून केली जात आहे.