वृत्तसंस्था/ कोलंबो
यजमान लंका-विंडीज यांच्यातील पहिली कसोटी सामना आजपासून (रविवार दि. 21) येथील गॅले आंतरराष्ट्रीय स्टेडियमवर सुरू होणार आहे. सदर मालिका आयसीसीच्या कसोटी चॅम्पियन्स स्पर्धांतर्गत राहील. या मालिकेसाठी शनिवारी लंकन क्रिकेट मंडळाने 22 जणांचा संघ जाहीर केला असून त्यामध्ये चरिथ असालंकाचा समावेश करण्यात आला आहे.
या मालिकेसाठी लंकेचे नेतृत्व डी. करुणारत्नेकडे सोपविण्यात आले आहे. काही वैयक्तिक समस्येमुळे बांगलादेशविरुद्ध कसोटी मालिकेत उपलब्ध न झालेल्या डी. चमिराचा या मालिकेसाठी लंकन संघात समावेश करण्यात आला आहे. सँडेकेन, लसिथ इम्बुलडेनिया हे लंकन संघातील प्रमुख फिरकी गोलंदाज आहेत. उभय संघातील पहिली कसोटी रविवारपासून सुरू होणार आहे. तर या मालिकेतील दुसरी आणि शेवटची कसोटी गॅलेमध्ये 29 नोव्हेंबरपासून खेळविली जाईल.
लंकन कसोटी संघ- दिमुथ करुणारत्ने (कर्णधार), ओशादा फर्नांडो, अँजेलो मॅथ्यूज, दिनेश चंडिमल, धनंजय डिसिल्वा, पथूम निसांका, चरिथ असालंका, मिनोद भानुका, रोशन सिल्वा, कमिल मिशारा, रमेश मेंडिस, चमिका करुणारत्ने, लक्षण संदकन, लसिथ इम्बुलडेनिया, प्रवीण जयविक्रमा, सुमिंदा लक्षण, सुरंगा लकमल, विश्वा फर्नांडो, दुष्मंता चमिरा, लहिरु कुमारा, असिथा फर्नांडो आणि चमिका गुणसेकरा.