मास्को
रशियामधील सायबेरिया प्रांतात एका कोळसा खाणीत आग लागल्याने 52 जणांचा आगीत होरपळून मृत्यू झाला आहे. या मृत्यू तांडवात 6 मदत कार्यातील लोकांचादेखील समावेश होता असे कळते. दोन दिवसांपूर्वी ही घटना घडली होती. शुक्रवारी आणखी 11 मृतदेह हाती लागल्याने मृतांची संख्या 52 वर पोहोचली आहे. गेल्या 5 वर्षातील घडलेली कोळसा खाणीतील आगीची ही यंदाची सर्वात मोठी घटना आहे. रशियाचे राष्ट्रपती ब्लादीमीर पुतीन यांनी मृतांच्या कुटुंबियांचे सांत्वन केले आहे. सदरच्या दुर्देवी घटनेबाबत कॅमरोवो क्षेत्रात 3 दिवस दुःखवटा पाळला जात आहे. या घटनेतील जखमी 38 जणांवर अद्यापही इस्पितळात उपचार सुरू असल्याचे स्थानिक प्रशासनाने म्हटले आहे. यापैकी चौघांची परिस्थिती गंभीर आहे. धुरामुळे विषारी वायु पसरल्याने तेथील अनेकांना श्वास घेण्यात अडथळे जाणवले होते.